Մակերևույթին ուղղահայաց ազդող ուժը կոչվում է ճնշման ուժ։
ճնշումը բնութագրում է երկու հպվող մարմինների փոխազդեցությունը և հաբասար է հպման մակերևույթին ուղղահայաց ազդող ուժի (ճնշման ուժի) հարաբերությանը մարմինների հպման մակերևույթի մակերեսին։
Ճնշումը =. ճնշման ուժ
——————————
հպման մակերևույթի մակերես
Եթե ճնշումը նշանակենք p (կարդացվում է՝ պե) տառով, հպման մակերևույթի մակերեսը՝ S-ով, իսկ ճնշման ուժը՝ F-ով, ապա, սահմանման համաձայն,
p = F
——
S
Այս բանաձևից հետևում է, որ ժնշումը թվապես հավասար է այն ճնշման ուժին, որն ազդում է հպման մակերևույթի յուրաքանչյուր միավոր մակերեսով տեղամասի վրա։
Ճնշման բանաձևից կարելի է որոշել ճնշման ուժը, եթե հայտնի են ճնշումը և այն մակերեսի մեծությունը, որի վրա կիրառված է այդ ուժը՝
F = pS
Ճշման բանաձևի միջոցով սահմանաթակվում է ճնշման միավորը։ Ճնշման միավոր է համարվում այն ճնշումը, որն ստեղծվում է 1մ2 մակերեսով մակերևույթի տեղամասի վրա 1Ն ճնշման ուժ ազդելիս։ Այդ միավորը, ի պատիվ ֆրանսիացի գիտնական Բլեզ Պասկալի, կոչվում է պասկալ (Պա)։ Այսպիսով՝ համաձայն ճնշման միավորի սահմանման՝
1 Պա = 1Ն
——
մ2
Բացի պասկալից՝ կիրառվում են նաև կիլոպասկալ (կՊա) և մեգապասկալ (ՄՊա) միավորները։
1 կՊա = 1000 Պա
1 ՄՊա = 1000000 Պա